كارهي عمرو ام كارهي كارهي تامر حسني
في الفترة الاخيرة ظهر موقع بيضم شلة من حسالة المجتمع اسمهم كارهي عمرو دياب والموقع ظهر بعد مدة بسيطة من ظهور موقع اسمه كارهي تامر حسني واللي كان يعتبر الموقع الاول من نوعه اللي يتعمل عشان يبقي الوكر اللي بيتجمع فيه الكارهين لمطرب معين والموقع حقق نجاح كبير ووصل عدد اعضائه لاكتر من 4000 عضو والفكرة هنا مقبولة خصوصا ان الاخ تامر معروف بعجرفته وتصريحاته اللي ديما بتعبر عن غرور كبير وبيتكلم عن نفسه كانه المطرب اللي ماجاش لا قبله ولا بعده..وتلحين ايه وكلمات ايه واغاني ايه وصوت ايه لأ وبيمثل كمان يعني مش سايب وعلي اساس انه هو المطرب الاول في الغنا والاول في التلحين والاول في التمثيل وبمناسبة التمثيل حتي عادل امام ومحمد سعد ماسلموش من تصريحاته واتكلم عنهم بنفس العجرفة اللي اتكلم بيها عن منير وعمرو ده غير فضيحة السجن اللي دخله عشان اتهرب من خدمه بلده اللي كان قبل السجن بكام يوم بيقولها لو كنا بنحبها لازم نصون ارضها ومع اول اختبار راح زور وهرب من خدمة البلد وصان ارضها عشان يبين انه اكتر مطرب منافق في تاريخ مصر وحتي هيثم شاكر اللي دخل معاه السجن كان بيغني ارمي حمولك عليا وانا اشيل عنك شوية راحت ترمي عليه شوية وصدقته قال وانا مالي اروح ازور مع تامر..واحلي حاجة في ده كله لما طلع شوية من العوطلية بتوع تامر اللي بيستنفعوا من وراه ويقولوا ده انضحك عليه وماكنش يعرف يظهرله قضية تانية انه كان مزور شهادة الجامعة..برده انضحك عليه!!
رصيد تامر حسني في الساحة 3 البومات شبه بعض مافهمش جديد وسنة سجن وبيغني تقريبا من 5 سنين يعني في خلال المدة دي بيبدأ الجمهور يعرفه كويس وبيبدأ انه يكون ليه ناس بتحبه وناس تكرهوا بس الغريب ان كارهي تامر واضح انهم كانوا اكتر من محبيه وعملوا الموقع ونجح وكسر الدنيا والاعلام كتب عنه والاخ تامر وسط ناس تتكلم مع المسئولين عن السايت وحاول يراضيهم مانفعش وحاول يرفع قضية لكن مفيش فايدة لان الموقع ماعلهوش حاجة تدينه لانه باختصار اللي يشوفه يقدر يلاحظ ان النقد الموجه لتامر بيكون نقد موضوعي مش بيعتمد ع الشتايم والتلفيق لان فضايح تامر مغرقة الدنيا اصلا وحنفية التصريحات مش بتوقف وهما بياخدوا التصريحات العجيبة بتاعته ويتكلمه عنها ويردوا عليها.
واذا كان رصيد تامر 5 سنين غناء فطبيعي جدا انه يتعمله موقع لكارهيه علي اعتبار انه لسا في البداية لكن ياتري عمرو دياب اللي بيغني من 25 سنة ايام ماكان تامر والاطفال الصغيرين المراهقين اللي عاملين الموقع ماكنوش لسا اتولدوا لسا جاي النهارده يتعملوا موقع عشان فجاة ظهر ناس تكرهوا ولا الموقع اتعمل رد علي موقع كارهي تامر حسني اللي بيضم نسبة كبيرة من محبي مطربين تانيين كتير امثال حماقي ومنير وخصوصا ان فيه ناس من جمهور عمرو دياب قالولهم كده عيب وكان ردهم انه عشان يتقفل سايت كارهي دياب يتقفل سايت كارهي تامر يعني السايت معمول لغرض المساومة..واحلي حاجة ان حسالة النت اللي اتلموا من هنا وهنا مش لاقيين حاجة يقولوها عن الهضبة فيقوموا يكتبوا شتايم وتجريح وتلفيق تهم واتهام بالسرقة وتريقة علي لبس عمرو اللي هما نفسهم بيقلدوا في اللبس وبيستنوا اللوك بتاعه لانه ملك الموضة في الشرق الاوسط واللي مطربهم نفسه بيقلده في اي حاجة يلبسها من اول التيشيرت لحد توكة الحزام والاخوة المتحدين هيموتوا من الغيظ ان ماحدش سأل عنهم ولا الاعلام عبرهم ولا حد من طرف عمرو كلمهم زي اخينا تامر ما عمل ولا حد فكر يرد والموقع هسسسسسسسسسسس
في الفترة الاخيرة ظهر موقع بيضم شلة من حسالة المجتمع اسمهم كارهي عمرو دياب والموقع ظهر بعد مدة بسيطة من ظهور موقع اسمه كارهي تامر حسني واللي كان يعتبر الموقع الاول من نوعه اللي يتعمل عشان يبقي الوكر اللي بيتجمع فيه الكارهين لمطرب معين والموقع حقق نجاح كبير ووصل عدد اعضائه لاكتر من 4000 عضو والفكرة هنا مقبولة خصوصا ان الاخ تامر معروف بعجرفته وتصريحاته اللي ديما بتعبر عن غرور كبير وبيتكلم عن نفسه كانه المطرب اللي ماجاش لا قبله ولا بعده..وتلحين ايه وكلمات ايه واغاني ايه وصوت ايه لأ وبيمثل كمان يعني مش سايب وعلي اساس انه هو المطرب الاول في الغنا والاول في التلحين والاول في التمثيل وبمناسبة التمثيل حتي عادل امام ومحمد سعد ماسلموش من تصريحاته واتكلم عنهم بنفس العجرفة اللي اتكلم بيها عن منير وعمرو ده غير فضيحة السجن اللي دخله عشان اتهرب من خدمه بلده اللي كان قبل السجن بكام يوم بيقولها لو كنا بنحبها لازم نصون ارضها ومع اول اختبار راح زور وهرب من خدمة البلد وصان ارضها عشان يبين انه اكتر مطرب منافق في تاريخ مصر وحتي هيثم شاكر اللي دخل معاه السجن كان بيغني ارمي حمولك عليا وانا اشيل عنك شوية راحت ترمي عليه شوية وصدقته قال وانا مالي اروح ازور مع تامر..واحلي حاجة في ده كله لما طلع شوية من العوطلية بتوع تامر اللي بيستنفعوا من وراه ويقولوا ده انضحك عليه وماكنش يعرف يظهرله قضية تانية انه كان مزور شهادة الجامعة..برده انضحك عليه!!
رصيد تامر حسني في الساحة 3 البومات شبه بعض مافهمش جديد وسنة سجن وبيغني تقريبا من 5 سنين يعني في خلال المدة دي بيبدأ الجمهور يعرفه كويس وبيبدأ انه يكون ليه ناس بتحبه وناس تكرهوا بس الغريب ان كارهي تامر واضح انهم كانوا اكتر من محبيه وعملوا الموقع ونجح وكسر الدنيا والاعلام كتب عنه والاخ تامر وسط ناس تتكلم مع المسئولين عن السايت وحاول يراضيهم مانفعش وحاول يرفع قضية لكن مفيش فايدة لان الموقع ماعلهوش حاجة تدينه لانه باختصار اللي يشوفه يقدر يلاحظ ان النقد الموجه لتامر بيكون نقد موضوعي مش بيعتمد ع الشتايم والتلفيق لان فضايح تامر مغرقة الدنيا اصلا وحنفية التصريحات مش بتوقف وهما بياخدوا التصريحات العجيبة بتاعته ويتكلمه عنها ويردوا عليها.
واذا كان رصيد تامر 5 سنين غناء فطبيعي جدا انه يتعمله موقع لكارهيه علي اعتبار انه لسا في البداية لكن ياتري عمرو دياب اللي بيغني من 25 سنة ايام ماكان تامر والاطفال الصغيرين المراهقين اللي عاملين الموقع ماكنوش لسا اتولدوا لسا جاي النهارده يتعملوا موقع عشان فجاة ظهر ناس تكرهوا ولا الموقع اتعمل رد علي موقع كارهي تامر حسني اللي بيضم نسبة كبيرة من محبي مطربين تانيين كتير امثال حماقي ومنير وخصوصا ان فيه ناس من جمهور عمرو دياب قالولهم كده عيب وكان ردهم انه عشان يتقفل سايت كارهي دياب يتقفل سايت كارهي تامر يعني السايت معمول لغرض المساومة..واحلي حاجة ان حسالة النت اللي اتلموا من هنا وهنا مش لاقيين حاجة يقولوها عن الهضبة فيقوموا يكتبوا شتايم وتجريح وتلفيق تهم واتهام بالسرقة وتريقة علي لبس عمرو اللي هما نفسهم بيقلدوا في اللبس وبيستنوا اللوك بتاعه لانه ملك الموضة في الشرق الاوسط واللي مطربهم نفسه بيقلده في اي حاجة يلبسها من اول التيشيرت لحد توكة الحزام والاخوة المتحدين هيموتوا من الغيظ ان ماحدش سأل عنهم ولا الاعلام عبرهم ولا حد من طرف عمرو كلمهم زي اخينا تامر ما عمل ولا حد فكر يرد والموقع هسسسسسسسسسسس