nour
الجداد
bjhفى انتظار اهلا بيك معنا فى سايت العجائب نتمنى انك تشرفنا بتسجيلك



أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

مسلسل يوميات صعيدى بيحب بنت استايل

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1 مسلسل يوميات صعيدى بيحب بنت استايل في الأربعاء 30 سبتمبر 2009, 2:51 pm

لما كان

avatar
عاشق ملك
عاشق ملك
ياجماعة القصة دى كوميدية وهيا من وحى خيالى والاسماء اللى فيها مالهاش علاقة بالواقع تماما

وهايكون معانا فى القصه

الصعيدى : أحـمــــــــد

البنت الاستايل : نــــور

القصه طويله جدا

فانا هاقوم بتقسيمها لحلقات

ونبدأ مع بعض الحلقه الاولى



احمد: لو سمحتي حضرتك...ممكن براية
نور: ههههههههههههههههههههههههههه
احمد :حضرتك بتضحكي على ايه ممكن اعرف يعني لو سمحتي
نور : مش عيب شاب في سنك يطلب براية ..ده احنا في جامعة
احمد : طيب معاكي شفرة...عشان المحاضرة هتبدأ خلاص
نور : ايييييه..ايه شفرة دي..ممكن تسكت لو سمحت
احمد : حد معاااااااه براااااااااية....او قلم زيااااااادة..ردوا
نور: انت اكيد مجنون وطي صوتك الطلبة كلها بتضحك عليك
احمد :ويضحكوا ليه ولاد الدزمة دووووووووول
نور: خلاص خلاص انا هنقل المحاضرة وبعدين اديلك تصورها
احمد :شكرا بس انقلي كويس ..وياريت تنظمي الكراسة

(اثناء ما المحاضرة شغالة ونور شغالة كتابة واحمد هيموت عشان مش معاه قلم)

احمد: يا انسة خطك زفت زفت..انتي مش مسطرة الصفحة ليه ...وفين التاريخ الهجري ... يادي النيلة عليا وعلى الجامعة
نور : انت مالك ومال خطي مش كفاية هديلك تنقل مني وهتعطل انا
احمد : ليه وانتي عربية اصلك علشان تتعلطي..هما البنات متعطلين خلجة
نور : انت انسان قليل الادب...وبجد مش بتعرف تكلم البنات ازاي
احمد : لأ يا شيخة والنبي المرة الجاية تبقي تجيبيلي الكتالوج بتاعك

(نور عشان رقيقة سكتت وماعرفتش ترد على احمد وانتهت المحاضرة )

اثناء خروج الطلبة من المدرج...احمد حب يستظرف بس بطريقة غبية شوية

احمد وسط حشد من الطلبة بنات وولاد
وكأنهم قطيع من المواشي
هررررررررررررررررررر...وضحكته سمعت كل اللي ماشي

(نور بتحكي مع زميلتها من كلية تانية على احمد )

نور : بصي يا هالة الولد ده....فضيحة فضيحة يعني...وحكتلها على اللي حصل
هالة : تلاقيه شاب تحفة...مش باين عليه استايل خالص..ده لابس بدلة وكرافت
نور : بس تعرفي شكله وسيم اووووي...حاسة انه طيب وعلى سجيته
هالة :اوووو...ده وسيم؟...ده مش حاطط نقطة جيل على شعره حتى..شعره منعكش جدا
نور:يا ستي سيبك
هالة: على رأيك

خلص اول يوم في الجامعة وقبل النهاية بدقايق

احمد: يا استاذة يا انسة فين المحاضرة عايز انقلها هاتيها يلا يلا بسرعة
نور : تنقل ايه يابني دي عشر ورقات غير في رسومات وجداول
احمد :ومالهم يعني عشر ورجات انتي هتخلفي وعدك ولا ايه
نور : انا مقلتش كده بس في حاجة اسمها تصوير..اسرع يعني
احمد: هههههههههههههههههه اصور ايه بخطك الزفت ده..شوفي ...زفت
نور: حقيقي انا غلطانة وكلام هالة باين عليه صح...بعد اذنك..اوف

سابته ومشيت .....وقال

احمد: عليكي يا شيخة وعلى هالة وعلى الجامعة كلتها....وبرضه خطك زي الزفت

عاوزين تعرفوا اليوم اللي بعده حصل في ايه

تابعوا معايا بقى قصة حب احمد الصعيدي ونور البنت الاستايل

معاينة صفحة البيانات الشخصي للعضو

2 رد: مسلسل يوميات صعيدى بيحب بنت استايل في الأربعاء 30 سبتمبر 2009, 3:03 pm

AL3ASHEK

avatar
®¤®¤®¤®¤
®¤®¤®¤®¤
تسلم ايديك يا ميدو والقصه جميله وعلى فكره انا اتعاملت مع ناس صعايده وهما رجاله جداااااااااااااااااااااااااا

وعاوز اشوف نهاية القصه بقى


_________________
معاينة صفحة البيانات الشخصي للعضو http://al3ashek.yoo7.com

3 رد: مسلسل يوميات صعيدى بيحب بنت استايل في الأربعاء 30 سبتمبر 2009, 3:08 pm

لميس

avatar
3ASHEK >>>>SUPER
3ASHEK >>>>SUPER
هههههههههههههههههههههههه
جميلة اوى محمد تسلم بجد بس امتى الباقى علشان افتح T V
علشان نشوف المسلسل ده
ههههههههه تسلم مرة تانية


_________________
لا تعتمد على الصديق فهو "نااااادر"
ولا تعتمد على الحبيب فهو "غااااادر"
وإن كانت الدنيا بحر من الهموم فاعبرها بقارب من الصبر
واذا ركبت جواد الدنيا فاجعل لجامك
يديك جامد حتى لا يصبح من كان
ورائك أمامك لأن كل حاقد سوف يبني نفسه على حطامك..
معاينة صفحة البيانات الشخصي للعضو

4 رد: مسلسل يوميات صعيدى بيحب بنت استايل في الأربعاء 30 سبتمبر 2009, 4:37 pm

ملك الاحزان

avatar
3ASHEK >>>>SUPER STAR
3ASHEK >>>>SUPER STAR
تسلم ايديك ياميدو قصه جميله جدا

معاينة صفحة البيانات الشخصي للعضو

5 رد: مسلسل يوميات صعيدى بيحب بنت استايل في الأربعاء 30 سبتمبر 2009, 6:38 pm

ههههههههههههههههههههه
طيب والله طول عمرك جامد اوى وعلى الطلاج انت اتخضيت
على فكرة بقى انا الوحيد اللى عارف الحلقة اللى جاية هيحصل فيها اية
بس ياخسارة انا ماشى على الجيش تانى كمان ساعتين مش هعرف اللى بعد كدة
بس والله يابنى اصلى
فكرة بتلاتة اربعة مليون جنية

معاينة صفحة البيانات الشخصي للعضو

6 رد: مسلسل يوميات صعيدى بيحب بنت استايل في الأربعاء 30 سبتمبر 2009, 6:51 pm

nour

avatar
3ASHEK >>>>SUPER STAR
3ASHEK >>>>SUPER STAR
ههههههههههههههههههههههههههههه
مسلسل فيرى نايس تسلم كتير محمد والله فكرة جميله ويلا عاوزين نشوف المزيد
من حلقات المسلسل الجامد ده بس بليز هو هيجى الساعه 6 على القناه التانية ولا ساعه على الاولى
هههههههههههههههههههه تسلم مرة تانيه


_________________


I LOVE YOU AL3ASHEK
Ilove most from any thinq in the world
معاينة صفحة البيانات الشخصي للعضو

7 رد: مسلسل يوميات صعيدى بيحب بنت استايل في الأربعاء 30 سبتمبر 2009, 9:16 pm

HEBA

avatar
عاشق ملك
عاشق ملك
تسلم ايدك يامحمد قصة جميلة

معاينة صفحة البيانات الشخصي للعضو

8 رد: مسلسل يوميات صعيدى بيحب بنت استايل في الخميس 01 أكتوبر 2009, 3:01 pm

لما كان

avatar
عاشق ملك
عاشق ملك
والان مع الحلقة الثانية من مسلسل يوميات صعيدى بيحب بنت استايل

وجه اليوم التاني....ولسة الحياة الجامعية لم تؤثر على تلاميذ الثانوية العامة...بس مع بلدياتنا احمد ...ماشية عكس خالص...مش عارف يتأقلم عليها

وتعالوا نشوف الايام والحياة الجامعية هتعمل ايه في احمد وهيتعامل معاها ازاي
كان ميعاد المحاضرة الساعة 8 صباحا...كان احمد واقف قصاد المدرج من 6 الصبح مش عارف ليه ونبتدي الحلقة التانية يا جامدين


احمد: ديب ديب ديب انتوا يا ناس يللي هنا...افتحوا الباب
الساعي : يا فتاح يا عليم يا رزاق يا كريم
احمد: ماترش ميا يا راجل قصاد المدرج عشان تستفتح
الساعي:يا كابتن المحاضرة لسة الساعة 8 مفيش دخول دلوقت
احمد:هدخل يعني هدخل..عليا النعمة هدخل هاااا
الساعي: قفل الباب في وشه ودخل جوا
احمد : يا ابن الدزمة انت هتضيع عليا المحاضرة شكلك
احمد: اما اروح اجيب كوباية شاي سخن مولع
الراجل: تؤمر بأيه يا فندم
احمد : شاي خمسينة بنعناع
الراجل: ايه ايه...مفيش نعناع
احمد: ومفيش نعناع ليه
الراجل : هو كده مفيش نعناع على الشاي ..النعناع لوحده
احمد :طيب هات نص كوباية شاي ونص كوباية نعناع
الراجل: خد فلوسك اهي
احمد:طب والشاي ابو نعناع فين
الراجل:اوووف
احمد:اوووف على دماغك...ابن دزمة صحيح


كان فات حوالي ساعة ونص وهو واقف في الكافتيريا عشان يشرب شاي
قرر انه يرجع للمدرج عشان يلحق مكان وبالفعل حجز مكان وخرج تاني عشان
يجيب شاي من كافتيريا تانية...ونجح انه يجيب المرة دي ..دخل المدرج وفجأة
لقى مين اعد مكانه ...مين مين مين....لقى نور فارشة كل حاجتها وبتشرب كابتشينووووووووووووووووو

احمد : بصوت لا يطاق....ايييييييييه ده يا هانم...هي وكالة من غير بواب
نور :وطي صوتك من فضلك انا بتكلم بهدوء وبأدب
احمد:هي دي طريجتي..عاجبك ولا مش عجباك
نور:طيب انا مش هقوم
احمد: هروح للعميد يجي يقومك
نور:ههههههههههههههههههه
احمد:بتضحكي على ايه يا باردة
نور: لم نفسك
احمد: شايفاني مبعتر في الارض ولا اييييييييه
نور: مش هتحضر...هههههههههههههه
احمد :عليا الطلاج لأحضر غصب عنك وعن عين اهلك....


وفجأة سمع صوت الدكتور بيناديله

ونكمل الحلقة الجاية ان شاء الله

معاينة صفحة البيانات الشخصي للعضو

9 رد: مسلسل يوميات صعيدى بيحب بنت استايل في الخميس 01 أكتوبر 2009, 7:07 pm

nour

avatar
3ASHEK >>>>SUPER STAR
3ASHEK >>>>SUPER STAR
ههههههههههههههههههههههههههههههههههههه
بجد حلقة اليوم جامد كتييييييييييير ههههههههههههههههه
تسلم بجد محمد


_________________


I LOVE YOU AL3ASHEK
Ilove most from any thinq in the world
معاينة صفحة البيانات الشخصي للعضو

10 رد: مسلسل يوميات صعيدى بيحب بنت استايل في الجمعة 02 أكتوبر 2009, 3:17 pm

AL3ASHEK

avatar
®¤®¤®¤®¤
®¤®¤®¤®¤
هههههههههههههههههههههههههههههههه

عليا الطلاج قصه حلووووه جوى وانا مستنى الحلجه الجايه


_________________
معاينة صفحة البيانات الشخصي للعضو http://al3ashek.yoo7.com

11 رد: مسلسل يوميات صعيدى بيحب بنت استايل في الجمعة 02 أكتوبر 2009, 7:33 pm

لميس

avatar
3ASHEK >>>>SUPER
3ASHEK >>>>SUPER
هههههههههههههههههههههه جميل وممتع جدا واتمنى نشاهد باقى الحلقات


_________________
لا تعتمد على الصديق فهو "نااااادر"
ولا تعتمد على الحبيب فهو "غااااادر"
وإن كانت الدنيا بحر من الهموم فاعبرها بقارب من الصبر
واذا ركبت جواد الدنيا فاجعل لجامك
يديك جامد حتى لا يصبح من كان
ورائك أمامك لأن كل حاقد سوف يبني نفسه على حطامك..
معاينة صفحة البيانات الشخصي للعضو

12 رد: مسلسل يوميات صعيدى بيحب بنت استايل في الجمعة 02 أكتوبر 2009, 7:46 pm

فارس احلامك

avatar
عاشق جاااااااااااااااااااااااااااااامد
عاشق جاااااااااااااااااااااااااااااامد
هههههههههههههههههههه جميلة جدا مسلسل جامد ياريت بعد كدة نسمع مسلسل عن لميس واحمد
تسلم يا مان

معاينة صفحة البيانات الشخصي للعضو

13 رد: مسلسل يوميات صعيدى بيحب بنت استايل في الجمعة 02 أكتوبر 2009, 8:19 pm

لما كان

avatar
عاشق ملك
عاشق ملك
وقف الدكتور بكل ثقة...وبص على الطلبة كلهم

من بين كل الطلبة وقعت عينه على احمد وهو مكشر

الدكتور:مالك يابني مكشر من اول السنة ليه كده

احمد :لو سمحت معاك نمرة محمول العميد

الدكتور : ههههههههههه ايوة ليه

احمد : عاوز اقدم شكوى في البت دي

نور :متقولش بت

احمد :هجول بت وستين بت كمان قومي يلا

الدكتور : بس بقى اخرس شوية يا اما هطردك

احمد : انا ...تطردني ليييييييه هاتلي مكان سعادتك

الدكتور : تعالى اعد جنبي هنا على الكرسي ده

احمد : وااه...اجعد جنبك مرة واحدة يا داكتووور

الدكتور :ايوة تعالى

وهو نازل راح وقع الكتاب بتاع نور ورمى اقلامها

راحت نور ضربته على ضهره..قال ااااااااااااه

وصوته سمع المدرج كله والكل فضل يضحك عليه


الدكتور : اطلع برا يلا...مش هتخضر المحاضرة

احمد : ابوس ايدك يا بيه انا امبارح مكتبتش والنهاردة محضرش...مين يرضى بكده يا ناس

وهو خارج رمى عينه على نور ولمح فيها نظرة عطف جميلة

بعد ما المحاضرة انتهت...نور خرجت لأ حمد

نور :بجد انا اسفة اوووي

احمد : على ايه بقى ما المحاضرة خلاص

نور : خد المحاضرة بتاعتي انقلها وانا هستناك

احمد : بجد بتتكلمي بجد

نور : ايوة مع انهم اكتر من عشر صفحات بس هستناك

احمد : متشكر يا مازمازيل نورة

نور : لأ قول نور بس احنا اصدقاء وابتسمت ومشيت

احمد عمال ينقل وعمال يقول في سره...خطها زي الزفت

بس شكلها طيبة جوي....الخط مش كل حاجة في الانسان يعني

احمد لمح نور وهي جاية وبتبتسم بخجل

ووووووونكمل الحلقة اللي جاية[/center]

معاينة صفحة البيانات الشخصي للعضو

14 رد: مسلسل يوميات صعيدى بيحب بنت استايل في السبت 03 أكتوبر 2009, 5:13 pm

لما كان

avatar
عاشق ملك
عاشق ملك
يلا على الحلقه الرابعه



بعد ما الدكتور طرد احمد من المحاضرة بسبب نور

وخرج زعلان خالص ونور صالحته وقالتله خد المحاضرة انقلها

واثناء ما كان بينقلها وبيقول خطها وحش بس هي طيبة كانت هي جاية بتبتسم

نور : احمد انت خلصت المحاضرة

احمد : لأ لسة انا في اول صفحة مش عارف اجرا الكلمة دي

نور قرتله الكلمة

نور : اوكي كمل انا هستناك

احمد :لا لا انتي لازم تروحي دلوقتي عشان انتي اتأخرتي خالص

نور : طيب والمحاضرة

احمد : تتحرج المحاضرة

نور ضحكت ضحكة رقيقة جدا حركت قلب احمد الاسد

احمد : ممكن اوصلك لحد الباب...والله لحد الباب بس

نور : اوكي اوكي مفيهاش حاجة اتفضل

احمد : انتي في الجامعة هنا من امتى

نور :ايه يا احمد انا في سنك لسة اول سنة

احمد : انا عارف انا عارف

احمد : وياترى دخلتي هنا واسطة ولا ايه

نور : هههههههههههههههههه ...احمد مالك في ايه

احمد : لا بهرج معاكي

نور : تعرف انك

احمد :اني ايه

نور : طيب اوووي

احمد : وانتي انسانة محترمة اه فعلا محترمة بجد

نور : ميرسي

احمد :يالهوي ياني انا منجلتش المحاضرة بتاعت النهاردة

نور : ميرسي يا احمد على التوصيلة الجميلة دي منك

احمد : انتي رايحة فييييييييييييييييين

المحاضرة

المحاضرة

المحاضرة

وووووووواشوفكم الحلقة الجاية ان شاء الله ومع يوم جديد من ايام الجامعة

واحمد ونووووور

وانتظروا يا أحلى شبـــاب فى الدنيا الحلقة الجاية جامده جدا

علشان الدنيا هتتظبط مع احمد على الاخر

واشوفكم على خـيــر

وسلام بقى مؤقت من اللى بيقولوا عليه ده

معاينة صفحة البيانات الشخصي للعضو

15 رد: مسلسل يوميات صعيدى بيحب بنت استايل في الأحد 04 أكتوبر 2009, 9:51 pm

AL3ASHEK

avatar
®¤®¤®¤®¤
®¤®¤®¤®¤
بجد والله المسلسل ده عاجبنى جداااااااااااااااااا ومش هتصدقنى لو قولتلك انى بقرا وبتخيل ده بيحصل كانى بشاهد مسلسل فى التليفزيون


بجد تسلم ايديك وحلقات جامده وانا مستنى الحلقه الجايه


_________________
معاينة صفحة البيانات الشخصي للعضو http://al3ashek.yoo7.com

16 رد: مسلسل يوميات صعيدى بيحب بنت استايل في الإثنين 05 أكتوبر 2009, 7:15 pm

شمس

avatar
عاشق ملك
عاشق ملك
الله عليك يا ميدو بجد جامدة اوووووووووووى وانا قراتهم كلهم و ونفسى اشوف النهايه
يلا بقى ادخل وكمل ميدو
تسلم ايدك يا ميدو

معاينة صفحة البيانات الشخصي للعضو

17 رد: مسلسل يوميات صعيدى بيحب بنت استايل في الإثنين 05 أكتوبر 2009, 9:45 pm

nour

avatar
3ASHEK >>>>SUPER STAR
3ASHEK >>>>SUPER STAR
ميرسى على مجهودك محمد بجد حلقة جامدة فيرى نايس
تسلم مرة تانية


_________________


I LOVE YOU AL3ASHEK
Ilove most from any thinq in the world
معاينة صفحة البيانات الشخصي للعضو

18 رد: مسلسل يوميات صعيدى بيحب بنت استايل في الأربعاء 07 أكتوبر 2009, 8:30 pm

لما كان

avatar
عاشق ملك
عاشق ملك
وقفنا الحلقه اللى فاتت على ان احمد نسى ينقل المحاضره من نور

ونور مشيت وشكرته على التوصيله

يلا نكمل بقى

ومن غير الوان علشان بصراحه ماليش مزاج اعمل لسه الوان فى الحلقه

مشوها بقى كده الحلقه دى



الحلقه الخامسه



احمد مأجر شقة مفروشة وساكن فيها فترة الدراسة....ظبط المنبه بتاعه على ميعاد الجامعة
جرس الباب بيرن...بيرن...خبط جامد....احمد قام مخضوض وبيفتح الباب وووفجأة




هاي..انا جارتك اللي ساكنة قصادك
احمد : طيب وانا اعمل ايه يعني جارتي ولا مش جارتي
جارته : تؤ...طيب قول صباح الخير..قول صباح النور..قول صباح اللي بتغني
احمد : يا فتاح يا عليم يا رزاق يا كريم...يادي النيلة ..انتي عاوزة ايه مني دلوقتي
جارته : انا ؟ ؟
احمد : امال امي
جارته : تؤ تؤ انت عصبي كده ليه...كل شئ بالتفاهم وبالهدوء...اعملك نسكافيه يهدي اعصابك
احمد : متشكر يا ستي متشكر خالص انا...عاوزة ايه مني على الصبح كده انا ورايا جامعة
جارته : ايه ده ..انت بتروح الجامعة...انا بفتكرك في المدرسة
احمد : صبرني يارب صبرني ...جولي عاوزة ايه هتأخر على الجامعة
جارته : عندك حبة شطة
احمد : هاا...جلتي عاوزة ايه
جارته : شطة شطة....اللي بتخلي الاكل يوحوح
احمد : لا انا مش بحبش اوحوح عن اذنك...وقفل الباب ولبس بسرررعة ونزل

ركب الاتوبيس

احمد : الاجرة بكام لو سمحت يا اخينا
رد شاب ستايل...ههههههههه ايه اخينا دي دي كلمة قديمة موت
احمد : ماشي يا عم الجديد....بكام الاجرة
الكمثري :بجنيه وبريزة يا كابتن
احمد : اشمعنى وبريزة
الكمثري : حكومة تقدر تتكلم
احمد : خد يا عم ونزلني عند الباب الرئيسي

احمد داااااااااخل بيجرررري....وهووووووب...خبط في بنت وقع عليها العصير

البنت : انت غبي ...انت مبتشوفش
احمد : هشششششششششش
البنت : انت قليل الادب مش محترم كمان
احمد : هسسسسسسسسسس
احمد : انا ورايا محاضرة مش فاضيلك ...... خدي منديل اهو
البنت : انا هوريك انا لازم ابهدلك
البنت : يا عمرو يا وائل يا هيثم

عمرو : مالك بيها يا تحفة
وائل : انت لازم تتربى كويس
هيثم : مش هتروح سليم النهاردة

نور لمحت الخناقة من بعيد

نور : احمد احمد في ايه
احمد : ابعدي انتي يا نور ده طار قديم وهيخلص النهاردة
نور : احمد دي جامعة انت ممكن تتفصل
احمد : ومحضرش محاضرات تاني ؟
نور : ايوة ايوة انا هروح انده الامن
احمد : تندهي الامن يشيلوا جستي ولا ايـــه

وفجأة الامن جه والمشكلة اتحلت والحمد لله احمد خرج سليم
مع انه كان قدها وقدود يعني بس خاف طبعا على مستقبله



احمد : متشكر يا نور جوي
نور : ده اقل واجب يعني
احمد : انتي عملتي الواجب صح
نور : واجب ايه يا احمد هو احنا في مدرسة
احمد : ههههههههههه اصلها فاكراني في المدرسة
نور : هي مين دي
احمد : اللي عاوزة الشطة
نور : انا مش فاهمة حاجة يا احمد
احمد : انتي بتحبي توحوحي
نور : هههههههههههههههههههه
احمد : هههههههههههههههههههه
نور: تعرف يا احمد ان دمك خفيف اوي
احمد : ربنا يخليكي انا مش بجدر على الكلام ده
نور : هو انا قلت حاجة يا احمد
احمد : ايوة دمي خفيف وحلو ومسمسم والكلام الكابير ده
نور : ههههههههههههههههههههههه
احمد : بتضحي على ايه عاد
نور : ههههههههههههههههههههههه
احمد : يــوه يــوه يــوه
نور : المحاضرة هتبتدي يا احمد يلا نحضر
احمد : ماتيجي نتمشى شوية في الحديقة وبلاش المحاضرة
نور : بجد ...طيب يلا
احمد : ال حديقة ال....يلا يا هانم نلحج المحاضرة انا حاجزلك جنبي


احمد دخل لقى اتنين اعدين مكانه هو ونور
ووووووووووووووووووووووووووو
أشوفكم الحلقة الجاية الحلقة السادسة ان شاء الله

وعايز رأيكم فى الحلقه

معاينة صفحة البيانات الشخصي للعضو

19 رد: مسلسل يوميات صعيدى بيحب بنت استايل في الجمعة 09 أكتوبر 2009, 12:09 am

لميس

avatar
3ASHEK >>>>SUPER
3ASHEK >>>>SUPER
تسلم محمد المسلسل جميل جدا جدا يارب الباقى علشان اعرف ايه النهايه
تسلم مرة تانية


_________________
لا تعتمد على الصديق فهو "نااااادر"
ولا تعتمد على الحبيب فهو "غااااادر"
وإن كانت الدنيا بحر من الهموم فاعبرها بقارب من الصبر
واذا ركبت جواد الدنيا فاجعل لجامك
يديك جامد حتى لا يصبح من كان
ورائك أمامك لأن كل حاقد سوف يبني نفسه على حطامك..
معاينة صفحة البيانات الشخصي للعضو

20 رد: مسلسل يوميات صعيدى بيحب بنت استايل في الجمعة 09 أكتوبر 2009, 1:15 pm

لما كان

avatar
عاشق ملك
عاشق ملك
لحلقه السادسه



احمد دخل لقى اتنين اعدين مكانه هو ونور

دي كانت نهاية الحلقة اللي فاتت يا شباب

ويارب الحلقة دي تعجبكم ومطولهلكم شوية اى خدمه عدوا الجمااااااايل بس

احمد : ايه يا كابتن انت وهو انا حاجز المكان ده من بدري

انت حاجز صالة ولا بلكون

احمد : لأ حاجز حمام يا خفيف

هو انت فاكرني شاي ولا ايه

احمد : ايوة شاي ومتاخدش في ايدي غلوة كمان

انت باين عليك متعرفش الكابو هيثم

احمد : وانت باين عليك متعرفش احمد ابن عم هريدي عمدة القرية

ههههههههههههههههههههههههههه

احمد : بتضحك على ايه يا ابن الدذمة

ودخل احمد في عراك وكأنه عراك بين الديوك ونور مش عارفة تعمل ايه
غير انها جابت النوت بوك بتاعها وفضلت تضرب مع احمد

احمد : اي اي ايه يا نور دي دماغي انا
نور : سوري يا احمد مكنش قصدي بجد
احمد : اخرجي انتي برا وايه الجلم الرصاص اللي بتضربي بيه ده
نور : انا لازم اموته لازم اكسره

وفجأة

دخل الدكتوووووووووور

الدكتور : في ايه يا ابني انت وهي وهو

احمد : هجطعه

الدكتور : تقطع مين يابني ...احنا في جامعة

احمد : جامعة مش جامعة هجطعه

نور : ايوة احنا هنجطعه

الدكتور : تعالوا برا انت وهي

احمد : لأ والنبي يا داكتور الجو ساجعة برا جوي

الدكتور : اطلع بقولك

نور : يلا يا احمد

احمد : يلا ايه وزفت ايه ...هو احنا رايحين نتفسح

وطلعوا يا عيني هما الاتنين ولسوء حظ احمد انه برضه محضرش المحاضرة دي كمان

احمد : انا مروح يا نور

نور : لأ خليك اعد معايا شوية

احمد : لأ يا نور انا مروح

نور : انا عايزة اتكلم معاك

احمد : بكرا ان شاء الله نتكلم كتير...ماهو كده كده مش هحضر بكرا برضه

نور : انت بتحب الماحضرات ليه يا احمد

احمد : انا جاي مصر عشان اتعلم يا نور مش عشان اتنزه

نور : انا عارفة انك شاب مش فاضي من جواك

احمد : ربنا يخليكي يا نور

نور : اي نعم انت مش مهتم بمظرك...ومش بتسرح شعرك حلو...بس حاسة انك وسيم اووي

احمد : ماتجولي معفن احسن يا ست نور

نور : انا مش اقصد خالص

احمد : ولا تقصدي...انا جيت مصر غلط من اساسه دي مش بيئتي ولا دي حياتي

نور : انا اسفة

احمد : انا اللي اسف ....عن اذنك

وبعد ما احمد مشي نور مشيت هي كمان وكانت زعلانة جدا من كلامها معاه ولو انها مكنتش تقصد بس احمد حساس حبتين

نور حاولت تتصل باحمد عن طريق جارته

نور : الو ممكن اكلم احمد جار حضرتك

الجارة : احمد مين يا انسة

نور : احمد جارك

الجارة : اااه تقصدي حمادة ميدو مودي

نور : انتي مسمياه كده

الجارة : هو بيحبني اووي اقوله كده

نور : طيب كويس ممكن تناديه

الجارة : احمد احمد احمد احمد

احمد احمد احمد احمد

احمد : سلام قولا من رب رحيم..اختشي يا ولية على دمك بجى في حد يخبط على حد الساعة عشرة بالليل

الجارة : يووه ايه يا ميدو ..انا خضيتك ولا ايه...طيب تعالى في حضن ماما تعالى

احمد : اخلصي يا ست عاوزة ايه مني وليه بتخبطي في وقت زي ده

تليفون عاوزك

احمد : والتليفون عاوزني في ايه

هههههههههههههههه جتك ايه يا موودي يا سكر
اقصد حد عاوزك على التليفون

احمد : ابوووووووويا جراله ايه انطجي قولي

لأ لأ ده صوت واحدة

احمد : امي امي اما مالها مالها

الجارة : ده صوت جثة

احمد : ههههههههههههههههههههههه
احمد : والجثة هتتكلم ازاي يا ام مخ تاخين

تعالى ورايا يا مووودي وانا اخليها تنطق وتتكلم

احمد : طيب يا وش المصايب

نور سمعت ضحك احمد ويا جارته دي ...وقفلت السكة

احمد : الو الو ...الو الو

احمد : هههههههههههههههههههههههههه

احمد : الجثة مش راضية تنطق...ده باين كده الجثة ماتت
هههههههههههههههههههههههههههههههههه

ونكمل الحلقه اللى جايه [/center]

معاينة صفحة البيانات الشخصي للعضو

21 رد: مسلسل يوميات صعيدى بيحب بنت استايل في الجمعة 09 أكتوبر 2009, 2:55 pm

ملك الاحزان

avatar
3ASHEK >>>>SUPER STAR
3ASHEK >>>>SUPER STAR
بجد ميدو انت عامل مجهود جامد جدا
وبجد تسلم ايديك
مسلسل جامد جدا

معاينة صفحة البيانات الشخصي للعضو

22 رد: مسلسل يوميات صعيدى بيحب بنت استايل في الجمعة 09 أكتوبر 2009, 5:34 pm

nour

avatar
3ASHEK >>>>SUPER STAR
3ASHEK >>>>SUPER STAR
فعلا بجد مجهودك عالى تسلم كتيييييييييييييير محمد مسلسل رائع ويلا عاوزنى نشوف المزيد من حلقاتك


_________________


I LOVE YOU AL3ASHEK
Ilove most from any thinq in the world
معاينة صفحة البيانات الشخصي للعضو

23 رد: مسلسل يوميات صعيدى بيحب بنت استايل في الأحد 11 أكتوبر 2009, 2:05 pm

لما كان

avatar
عاشق ملك
عاشق ملك
ونشوف القمر اللى اسمها نور عملت ايه

والشاب الجاااااامد أحمد بن عم هريدى


الحلقه السابعه


وبعد ما نور كلمت احمد في التليفون...وكانت زعلانة جدا لما سمعت صوت جارته...واحمد مكنش داري بالدنيا ساعتها ...من ساعتها احمد ابتدى يروح الكلية وكان متخاصم مع نور بعد كلمتها الجارحة ليه...انه مش استايل وشعره دايما منعكش....ابتدا ينتظم شوية في الدراسة لحد ما جت الامتحانات وده كان اخر يوم في الامتحانات

احمد بيكلم واحد صاحبه عن الامتحان

احمد : امتحان ممتاااااااز سهل ميا
صاحبه : حرام عليك..ده انا مكتبتش حرف
احمد : ليه جلمك اتجصف ولا ايه
صاحبه : لأ يابني الامتحان مليان
احمد : بوي ..مليان ايه انت هتجنني
صاحبه : في ايه دلوقتي
احمد : انت طلعت اول مسألة كام
صاحبه: محلتهاش
احمد : والتانية
صاحبه : 100
احمد : حمار
احمد : طب والتالتة
صاحبه : 2000
احمد : حمار
صاحبه : يوووه
احمد : طب والرابعة
صاحبه : محلتهاش
احمد : يا حمار هما تلاتة بس
صاحبه : انت هاتعد ولا هتسافر البلد
احمد : لأ هسافر انا مش ليا حد هنا

ولسة بيدور وشه....قرب عليه الملاك نور...وبصوت رقيق

نور : يارب تكون حليت كويس
احمد : ايوة الامتحان كان ممتاز
نور : لسة زعلان مني
احمد : وهزعل منك ليه...احنا بيننا ايه
نور : مفيش عادي بسألك ..انت ليه دايما عصبي
احمد : على فكرة انا لو مجبتش امتياز هيكون بسببك
نور : ليه بس...انا السبب
احمد : فاكرة الكام محاضرة اللي اتطردت فيهم بسببك
نور : هههههههههههههههههههههه
احمد : هههههههههههههههههههههههههههه
نور : وحياة اغلى ما عندك مش تزعل مني
احمد : طمنيني عملتي ايه في الامتحان
نور : بليز يا احمد متزعلش مني اسفة بجد
احمد :وحشتيني
نور : انا ؟
احمد: وحشتيني يا امي
نور : هههههههههههههههههههههههه
احمد :مالك اتخضيتي لما قلت وحشتيني
نور : وانا هتخض ليه
احمد : اسألي نفسك
نور : هه ظريف
احمد : امسكي نفسك شوية يا بت
نور : هههه خفيف
احمد : مش ملاحظة حاجة عليا
نور: لأ بس شايفاك مبسوط عن قبل كده الحمد لله
احمد : لأ لأ حاجة في شكلي
نور : الراجل مش بشكله
احمد : اااااااه والله....بعد ايه ...مش كان شعري متنعكش ومش بيتسرح
نور : انا مكنتش اقصد ...كنت بهزر معاك
احمد : اااااااااااااه بعد ايه بقى بعد ما جبت علبة كريم بامبرز ب 25 جنيه
نور : ههههههههههههههههههههههههه اسمه بالمرز
احمد : ايوة امسكي في التفاهات دي...يعني شعري وحش
نور : جميل
احمد : بجد
نور : جميل راتب ده ممثل ممتاز
احمد : ااه يا رخمة
نور : هههههههههههههههههههههههههه
احمد : انا هسافر اسبوعين وجاي تاني
نور : ليه كده خليك هنا
احمد : هستنى ليه
نور : نروح شرم الشيخ مع الجامعة
احمد : رحتها كتير كفر الشيخ
نور : شرم شرم
احمد : بتاعت البنات البلبوسة
نور : عيببببب
احمد : في ايه هو انا اللي بلبستهم
نور : خلاص بقى رد عليا عشان نروح ..اتصل بيا
احمد : ان شاء الله
نور : اوكي اشوفك على خير
احمد : كنت عايز اقولك حاجة مهمة اوووي من زمان
نور: ايه هي يا احمد قول قول
احمد : مش مسامحك على المحاضرتين اللي محضرتهمش بسببك
نور : مع السلامة يا احمد
احمد : سلام يا نور

وهو مروح بقى......عليا الطلاج لهروح الرحلة ....عاوزين نغير دو بقى

وووووووووووووأشووووووووفكم الحلقة الجاية

معاينة صفحة البيانات الشخصي للعضو

24 رد: مسلسل يوميات صعيدى بيحب بنت استايل في الأحد 11 أكتوبر 2009, 4:33 pm

لميس

avatar
3ASHEK >>>>SUPER
3ASHEK >>>>SUPER
تسلم على المسلسل الجامد وتسلم على الاحاسس ال بيوصل ليا لم بقراء المسلسل
واتمنى نوصل لحد النهايه علشان اعرف فى نهايه ولا هتكون بلا نهايه


_________________
لا تعتمد على الصديق فهو "نااااادر"
ولا تعتمد على الحبيب فهو "غااااادر"
وإن كانت الدنيا بحر من الهموم فاعبرها بقارب من الصبر
واذا ركبت جواد الدنيا فاجعل لجامك
يديك جامد حتى لا يصبح من كان
ورائك أمامك لأن كل حاقد سوف يبني نفسه على حطامك..
معاينة صفحة البيانات الشخصي للعضو

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى