nour
الجداد
bjhفى انتظار اهلا بيك معنا فى سايت العجائب نتمنى انك تشرفنا بتسجيلك



أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

ازاى تبقى رزل مع اخوك

اذهب الى الأسفل  رسالة [صفحة 1 من اصل 1]

1 ازاى تبقى رزل مع اخوك في الأحد 27 سبتمبر 2009, 7:26 pm

mone

avatar
عاشق مهم جداااااااااااااااااا
عاشق مهم جداااااااااااااااااا
ازاى تبقى رذل مع اخوك


طلع عليه اسمه يستفز وناديله بيه يعنى لو جت ناحيته دبانة مرة بالصدفة كده
سميه دبانة وأستلمه بقى رايح فين يا دبانة جاى منين يا دبانة ياعم أقعد متعملناش فيها دبانة بحق وحقيقى
فكره بالمواقف بتاعت زمان اللى بتضايقه كلها زى علقة حلوة كده من بابا او ماما
هات حاجات ورذل عليه بيها يعنى مثلا لو بيحب الشوكولاته كل ماتدخل البيت هات واحدة فى إيدك وكلها قدامه
ولا أقولك هات علبة وكل ساعة كل واحدة قدامه لحد ما يتحايل عليك تديله منها أو يتغاظ وينزل يجيب
وأنت داخل البيت قوله فى واحد صحبك مستنيك تحت متقولوش هو مين عشان ميعملش ناصح ويتصل بيه يقوله اطلع
قوله هو صحبك وأنا عارف شكله بس معرفش اسمه وخليه ينزل ويطلع على الفاضى
لو انت الكبير قوله انت فاكر نفسك كبرت على الضرب ولا أيه و الكلمة دى رذلة ومستفزة جدا
خليه يحط حاجة كانت فى إيديه زى مثلا قلم ولا موبايله بمجرد ما يحطه خبيه أنت علطول
هيرجع مش هيلاقيه هيتغاظ جدا وهيفضل يقول دانا لسه حاطه هنا بإيدى من شوية
لو نايم استخدم اى طريقة عشان تصحيه من النوم وهما كتار ما شاء الله
عشان اللى معندوش خبرة برضه أقولك تعمل أيه
قيد النور كأنك بتدور داخل تدور على حاجة
وشغل أعلى نغمة فى موبايلك كأن حد بيتصل بيك
ومفيش مانع تدور على الحاجة دى تحت المخدة والمرتبة اللى هو نايم عليهم
مش هوصيك بقى وأنت بترفع المخدة اللى عليها راسه عشان تبص تحتها
لو أنتوا الأتنين نفس نوع الموبايل أقعد ألعب فى البطارية بتاعتك عشان تبقى يادوب هتفضى
وروح غير البطاريات وسيبهاله على شعره يعنى لو حد بس رن عليه ولا هو فكر يشوف الساعة
هيفصل منه شحن وياسلام بقى لو مستنى تليفون ضرورى وفصل منه شحن تبقى مية مية
ولو قالك هات بطاريتك إوعى تفرط فيها صحيح هى بطاريته بس هو هيعرف منين فكك
لو شارى لبس جديد أصحى أنت من الفجر وألبسه وأنزل بيه ولو أتصل بيك قوله أصل أنا صحيت
وملقيتش حاجة ألبسها روحت لبسته بقى وخلاص وبعد كده أبقى اشترى هدوم أحسن من كده
عشان لما أتزنق فى هدوم وأحب أخرج الأقى حاجة كويسة وأقفل فى وشه بالمرة بلاش قرف
مش شرط لبس بس أى حاجة جديدة لازم تحط عليها بصمتك السحرية الأولى قبل مايفرح بيها
أمسح الحاجات اللى على الكمبيوتر اللى هو بيحبها أفلام أغانى صور برامج أى حاجة
قوله أنا كنت مشغل الأنتى فيروس وهو اللى مسحهم شكلهم فيهم فيروس وفيروس رذل كمان إحم إحم
لو واخد ميعاد من حبيبته يكلمها مثلا على الساعة 10 بالليل كده على النت ولا حاجة
أنت قبلها بشوية تقعد تذاكر وتقوم تقول لباباك أو مامتك أنا عايز الكمبيوتر أريح شوية أنا بذاكر من بدرى
خليه هو يروح يذاكر شوية لحد ما أريح ويبقى يجى يقعد وتبقى ضيعت عليه الليلة
ياريت كل واحد فى المنتدى يقول ازاى يرزل على اخوة

معاينة صفحة البيانات الشخصي للعضو

2 رد: ازاى تبقى رزل مع اخوك في الإثنين 28 سبتمبر 2009, 5:04 pm

مهند

avatar
عاشق الرومانسيه
عاشق الرومانسيه
لالالالالالالالالالا مش بحب اعمل كده فى اخويا لا مش حلوة الرزاله ده
بس انا هشكرك على كتابتك مش على الموضوع علشان مش بحب الاذى لى اخويا
لانى كده بكره اخويا فيا مش هزار يعنى مش حلو خالص الرزاله ده وانا بنصح ما حد يعملها مع اخوه
مشكورة مونى بس ما تكتبى كده

معاينة صفحة البيانات الشخصي للعضو

3 رد: ازاى تبقى رزل مع اخوك في الإثنين 28 سبتمبر 2009, 8:03 pm

mone

avatar
عاشق مهم جداااااااااااااااااا
عاشق مهم جداااااااااااااااااا
على فكرة انا بهزر

معاينة صفحة البيانات الشخصي للعضو

4 رد: ازاى تبقى رزل مع اخوك في الإثنين 28 سبتمبر 2009, 8:37 pm

فارس احلامك

avatar
عاشق جاااااااااااااااااااااااااااااامد
عاشق جاااااااااااااااااااااااااااااامد
على فكرة مهند بيتكلم صح لان كده هربى فيه العدوانيه انا عارف انك بتهزرى بس هزارك تقيل شويه
مشكورة على التوبيك

معاينة صفحة البيانات الشخصي للعضو

الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى