موقف لن تنساه ابدا؟؟؟؟؟؟؟؟؟

اولا تسلم اديكى لميس موضوع جميل جدااااااااااااااااااااااا
انا موقفى غريب بس اعرفوا انى كنت لسه صغيرة
فيوم ماما راحت تودى اختى المدرسة وبابا مكنش موجود كان مسافر وانا كنت لوحدى فى البيت
وسبتنى وانا نايمة فصحيت لقيتها مش موجودة ولا اى حد فى البيت فروحت استخبيت تحت السرير
جت هى من بره وفضلت تنده عليه وافتكرت انى رميت نفسى من البلكونة فملقتش تبص فى الشقة كلها بردك مش موجودة
طلعت دماغى من تحت السرير وقولت ياماما انا هنا مستخبيه علشان خوفت الحرامى يجى
وانا فى اعتقدى ان الحرامى مش هيعرف يجبنى من تحت السرير وتسلمى مرة تانية لميس

فى الاول وحشتنى مووووووووووووت
فكره جميل اوى اوى منكى يا قمر
هقولك على اجمل مواقفين حصلوا ليا

مرة كنت واحد صاحبي زملكاوي

في ماتش الاهلي و الاسماعيلي

وانا كنت اقنعته انه يقعد معايا في مدرجات الاهلي

المهم هو جه عامل فيها بورم و لابس تي شيرت اصفر

ولا اكنه سبع رجاله في بعض

و احنا كلنا بنشجع و هو قاعد

و كل ما تيجي هجمة للاسماعيلي يشجع المهم الناس شكت فيه

في بداية الشوط التاني

سمعنا دوشة ورا

في اعلي المدرج

بنسأل فيه ايه

قالولنا مسكوا واحد زملكاوي

لقيت صاحبي دة نط و خطف مني العلم

و بيقول اوووووووووه اهلاوي

اووووووووه اهلاوي
ده الاول
والتانى اهوا

مرة موقف أخويا عمله .. بس أنا اللى أحرجت فيه ..

واحد صاحبي أوي قالي لازم تيجي تزورني انهارده .. قلتله ماشي .

قالي بس على شرط .. تجيب أخوك الصغير معاك ..

ساعتها كنت في إعدادي .. و أخويا كان يعمل كده رابعة خامسة إبتدائي ..

بس و مهما حكيت مش هقولكوا أخويا ده شيطان إزاي عشان كده أهل الواد صاحبي ده كانوا عايزين يشوفوه ..

بس فرحتلهم و معايا القرد أخويا .. و قلته يلزم الصمت و إلا هنكل بيه لما أروح ..

بس و الواد قعد ساكت خالص و بيتكلم بكل أدب ..

و بعدين فجأة قالي : أحمد أنا عايز آكل ..

كانت الناس مش قاعدين معانا ..

قلتله : بص يا عبودي هما أصلا مش واقفين معانا عشان بيجيبوا الأكل ..

قالي : ماشي أديني مستني ..

بعدين جم و ما كانش معاهم أكل .. قعد يخبط على رجلي جامد و يخبط على ضهري .. و أنا أشاورله بإيدي يصبر يعني .

و بعدين و في وسط ما الواد صاحبي و أمه و أبوه قاعدين معانا ..

راح جاي أخويا قايم و فاتح التلاجة أدامهم و قايل : من آمن بالله و اليوم الآخر فليكرم ضيفه ..

وشي بقى عامل زي القووووووووووووووووووووووطة